المسحــــــراتى :ـ "المناضل حمديــــــن صباحـــــى "

مسحراتى

بصرخ ليلاتى

على طبلة صوتها

آنين ناياتى

أصحوا و فوقوا

لكل آتى

أوجاعنا جارحة

و دموعنا سارحة

أوضاعنا شارحة

من غير ما هاتى

***

علىّ راياتك

يا وطن علىّ

لملم شتات الصحابة

و الرفقه يا خلىّ

املا الصحارى بالأمل

و النور و ما تخلى

جمعنا تانى

بالندا فى الليل

سمعنا كل الأغانى

و آهه المواويل

نسبح معاك فى الطل

و لأخر حدود النيل

نرسم ملامح فجرنا

و ندوس على جراحنا

حمدين يا صوت نبضنا

يا شكل ملامحنا

حمدين يا واحد مننا

انت اللى ريسنا

شايل هموما شعبنا

معجون بشوق عزنا

مادد الحطاوى لفجرنا

صوتك براح حلمنا

و الأمة موالك

القدس عشقك

و همك

ودمك

و ترحالك

خطك طريق الناصر

جمال عبد الناصر

زعيمنا و قائدنا

مهما الحلم يتحاصر

علىّ راياتك

يا وطن علىّ

و ارفع ساريها لفوق

مسحراتى الغضب

و الاحتجاج

و الشوق

بحلم بفك الطوق

من ليل غميق لشروق

و الصوت يشق الحلوق

و الروح بتنسج

م الجروح موال

الليل طويل

لكن النهار جوال

يا آه

يا ليل

يا عين

نبضك يا وطن حمدين

حلمك يا وطن حمدين

مهما البراح بيضيق

هوه الأمل و الطريق

للعزة و الحرية

يا مصر يا عربية

ابنك و عاشق ترابك

ابنك و بيدق بابك

واقف على عتابك

مهموم ببكره اللى جى

جايب معاه الضى

شايل فى قلبه الحنين

عدد الشهور و السنين

عدد الجراح و الانين

اسمه ف ليلك و صبحك

نبض الوطن حمدين

مسحراتى و انادى

يا أولادى

يا أحفادى

بلدنا أجمل بلاد الأرض

و حبها مش سنة

دا حبها م الفرض

مهما الجراح زادت

و مهما طال البعاد

مسحراتى بطول البلاد

اصرخ ليلاتى

اصحوا و فوقوا

لكل آتى

رمضان كريم

شهروعظيم

فيه العظات

و المعجزات

و الانتصار

الفجر لازم يولد نهار

و الصبح مولود من نور و نار

مسحراتى

و فى انتظار

الأمة ترفع

راية انتصار

رمضان كريم

يا نايم اصحى

وحد الرزاق

ههههههههههههههههه
الله يخرب بيتك
لا يا اخويا
انا معااااااااك يا ريس

دى أراء يا جماعة أراء