تخيلوا لو البنات هيا اللي تخطب الولاد ايه اللى هيحصل تعالو نشوف....

تخيلوا لو البنات هيا اللي تخطب الولاد ايه اللى هيحصل تعالو نشوف....



************




تخيل كده وانت قاعد في الاووضه بتاعتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه على السيسي الابيض.........
وفجأة تلاقي والدتك دخلت عليك وكان اصلا قاعده مع الجيران
وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما؟؟؟
تقول والدتك : والله يا ابني ام محمد جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني ؟

ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا وتقول .:
الرأي رأيك والشوره شورتك يا ماما ..........
ومامتك تقولك بقى : والله انا مش شايفه في البنت حاجه!!!

ماشاء الله عليها محترمه و وظيفتها محترمه ومرتبها محترم وعيلتها كمان كويسه وبعدين من

الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي؟؟

انت بقى تقول لولدتك: بس يا ماما هيا عمرها ما شافتني خالص

والدتك تقول : هيا شافتك وانت راجع من شغلك !!!بس يا سيدي وسألت عليك وقالولها انك ولد كويس وابن ناس؟؟؟
ولا بتروح تسهر بره ولا بتروح مع اصحابك تسهر معاهم في الكوفي شوبات.........وقالولها كمان انك مبتخرجش الا مع ابوك ,
المهم يا ابني هيا وامها جايين يوم الخميس علشان يشوفوك,,,

انت تسأل وتقول : طيب يا مامي بابا رأيه ايه ؟؟ترد والدتك وتقول : والدك ما يعرفش حاجه انا باخد رايك انت قبلما اقوله .
انت تقول : خلاص يا ماما اللي انتي شايفاه !!!
وتخرج والدتك من الغرفه مبتسم وتقولك ع خيرة الله يابنى ....انت تقوم جري تقف قدام المرايا وتلف نص لفه يمين ,, ونص لفه شمال ,, وتسرح شعرك وشنبك بكل خفه ودلع !!!! وتقول :

اخيرا حست بيا وخطبتني هيييييييييه -**

قبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتظبط نفسك واللذي منه وتطلع زي القمر في الاخر !!

وتيجي للبيت وتلبس احلى بنطلون عندك والقميص اللي كلة كرانيش وتحط العطر الرقيق الناعم كل ده وخطيبتك و امها قاعدين بره !!
وفي اللحظه دي والدك يقولك : يالله يا ابني دخل العصير لعروستك امك

وانت تقول لوالدك : يا بابا انا بتكسف مش هاقدر ادخل العصير!!! وابوك يقول وهو حاطط ايده على كتفك يالله يا ابني روح لعروستك هىءهىء ..........

وانت تقول :حاضر يا بابا وساعتها تدخل صينيه العصير وانت على الباب تقول احم احم , , وبكل
ادب ورقه ودلع تقول سسسسلاموو عليكم !!!
وترد هيا عليك بعد ما تقف وتقولك وعليكم السلام وهيا عينها هتطلع عليك

وتقولها اتفضلي العصير وانت طبعا ف منتهى الكسوف ,, وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي
وتلاقي اخوانك الولاد يسألوك شكلها ايه ؟
وانت تقوللهم : تهبل يا اخواني والله حلوه اوي ودمها خفيف وفجأه تسمع والدك بيزغرط وبيقولك مبروك يا ابني .............
وتلاقي اختك العربجيه داخله من باب البيت وبتقول فيه ايه ؟

والدك يوقلها وطي صوتك فيه عروسه جوه خطبت اخوكي

وترد اختك وتقول : وهيا فين شافت اخويا عشان تخطبه ؟

المهم تقوم خناقه بينك وبين اختك اللي بتغير عليك الى ان تأتي والدتك وتضرب اختك بالقلم
وساعتها اختك تغضب وتسيب البيت لأهلك

واخيرا يتم الزواج !!!

..................................................



تخيلو لو كدا بجد يبقى نقرا الفاتحه على الرجاله فعلا ههههههههههههههههههه

منقوووووووووووووووووول ^_^

جاااااااااااااااااااااااااااااااااامد جدا الموضوع يا ترو
ده ايه الدماغ دى
كلها كام سنه والحال هيتغير وشكل ده اللى هيحصل
ههههههههههههههههههههههه
بس بجد موضوع حلو اوى
وادينى اول واحدة رديت ولا بشوف منك لا ابيض ولا اسود ههههههههههههه

هههههههههههههههههههههههههههههههههههههههههه
ههههههههههههههههههه
دا لو حصل
دا انا انتحر
او اقعد فى البيت ولا اجوز احسن
يا نهااااااااااار
ههههههههههههههه
بس تصدقى
الراجل بعد كدا
هو اللى هيغسل طبعا وينضف
ويقعد فى البيت
اه
وبدل ما كان هو اسمه سى السيد
يبقى اسمها ست السيده
صح

عبدالمنعم اسكت احسن
وامسح رقمى من عندك
ههههههههه بهزر طبعا

كل اللى هقدر اقولة فى الموضوع دة انى بجد هبقة مكسوف قوى اصلى مش هبقة واخد عليها وكدة يعنى ما انتم عارفين حياء الرجالة بقة

هههههههههه
قولهم يا بنى ع حياء الرجاله
وانت احلى واحد ينكسف صح ؟؟؟؟؟؟؟

وتلاقي اختك العربجيه داخله من باب البيت وبتقول فيه ايه ؟[/quote]


احسن جملة بجد عجبتني


نيس توبك يا ايسو

طبعا لو الرجالة ما اتستتوش في البيت مين اللى هيتستت
وطبعا يا ترو انتى نسيتى اهم جزء في الليله دى
انه بعد ما يخش بصينيه العصير يوقعها على البت
مكسوف بقى هههههههههههه

ههههههههه ميرسي لكل الردود دي
وخلاص طبعا يا بيري زمن الرجاله راح مشوار ولسه مجاش ههههههههههههه
ومش فاهمه ايه اللي عجبك ف الجمله دي يامحمد بس ماعلينا ازواق هههههههه

ههههههههههههههه
لالالالالالالالا
كده بدائتي تغلطي ها نحن هنا ياباشا

هههههههههههههههههه

اة والله عند حق

دا مين اللى هيجازف ويتقدملك دة يا فوفو
تصدق ياد يا فوفو انا نفسى اشوفها والله من ساعة مرحت انت الكلية
عموما الجيات اكتر من الريحات هههههههه

وبطل رخامة يا مانجة كفاية عليك السبحة اللى معاك ( بنات طبعا مش سبحة بجد)
عقبالنا ياااااارب

ههههههههههه تصدق بالله انا غلطام اني بدافع عندك ب انا متخيل انا بردوا لو اللي هتخطب بردوا هبقا زي منه
معلش يا صحبي ده مرض ههههههه
مش بايدي