لعبة اقدار

كم هو صعب على الانسان ان يتقبل فكرة فقدان صديق عزيز على قلبه
فهى تجربة لا نستطيع اختصارها او الهروب منها
فهو ليس مجرد شخص تعرفت عليه في يوم من الايام
وليست مجرد رحلة استمتعت بها فترة من حياتك وتستطيع الان نسيانها بان تبدأ رحلة

جديدة مقتنعا بأنك من الممكن تجاوزها بهذه البساطة
مثلما بدأت تماما
لكنك تعلم انها روح واحدة تعيش بداخل جسدين
فعند فقدانه لا تستطيع ان تكتفى بأن تبدأ حياتك على سطر اخر او ان تكتفى بشراء

حبر جديد تبدأ به قصتك الجديدة
ولكن وياللأسف تدرك ان حبرك المفضل قد نفذ من الاسواق
ان تفقد صديق معناه ان تفقد هذه الروح التى طالما عاشت بجسدك
ومن هنا استطيع ان اقول انك ستتحمل طوال عمرك مذاق الصبار اللازع
وتحاول ان تتكيف مع قلبك الذى اصبح مربع الشكل؟!؟
وتقتنع اخيرا ان الليل لا لون له
وتجد ان افضل كتاب لديك لا تستطيع قرائته مرة اخرى
ومن هنا لا يصبح لعينك اهميه طالما لن ترى بها هذا الشقى الذى بات يداعبك كل ليلة

مضفيا على حياتك نوع من السعادة والبهجة
ولكن ويا للأسف انك تدرك ذلك بعد ان يرحل
وتكتشف انك امتلكت من الغباء ما لم يمتلكه بشر على الاطلاق
حيث انك لم تعترف له بمدى اهميته في حياتك واكتفيت بأن تقنع نفسك بأنه يعلم ذلك

جيدا
نعم هو يعلمه ولكن بمرور الزمن يحتاج الانسان لمن يذكره بأن هناك شخص اخر يحتاجه

وانه مهم في حياة الاخرين
فلا يوجد شعور اجمل من ان يعرف الانسان ان هناك من في حاجته
اعلم جيدا بان فكرة الرحيل لم تكن في حسبانه
ولكن من يستطيع ان يغير ما خبأه له قدره
تعلم جيدا ان هذا الصديق مر بحياتك مرور الكرام
ليست غلطته كما تعودت ان تقنع نفسك
ولكنك تعلم في اعماقك بأنك سبب رحيله
نعم كان سيرحل في يوم من الايام ولكن كان من الممكن ان يرحل دون ان يأخذ قلبه

منك وتأمل في رجوعه في يوم من الايام
ولكنه بالفعل رحل بلا عودة واخذ ذلك القلب الحنون الذى بات طوال حياتك يخفف عنك

الامك واحزانك
واعطاه لشخص اخر من الممكن ان تطلق عليه صديق او حبيب جديد
ويقتلك صوت ضميرك في اليوم الف مرة قبل ان تنام ليذكرك بما صنعت يداك
لماذا علينا ان نتذكر هذه الكلمات عندما يرحل من نحب
ويتملكنا شعور بالاشمئزاز والغضب والسخط من نفسك
ذلك شعور تملكنى بدل المرة الاف المرات عند رحيل اشخاص عز على فراقهم
وبكى قلبى قبل ان تبكى عيونى على فراقهم
فاصبحت يائسة من ان اتعلق باحد خوفا من ان اخسره في يوم من الايام
كعادتى دائما
وكأن قدر الفراق لم يكتب الا على لاذوقه واحس بمرارته كل يوم
فهل الحل ان اصبح وحيدة
وابتعد عن دنيا البشر
ام انتظر المستحيل؟؟؟؟؟؟؟؟؟
اقصد عودة كل من تركنى في يوم من الايام
سؤال احتاج للاجابة عنه
وبالاخص من كل من مر بهذه التجربة
سواء فقدان حبيب او صديق لم يكن فراقهم في الحسبان
بالمعنى الاخر لعبه اقدار اختارتك انت لتلعب هذا الدور منتظرة ردة الفعل!!!!!!!!!!

بقلمى
وصبر انتظارى


يارب يكون الموضوع عجبكوا واحب اسمع رأيكوا في قلم بيرى انجل
يعنى حلو اسلوب الكتابه ولا لأ
وانتوا اللى هتقولولى استمر ولا لأ
واحب برده اسمع تعليقكوا على السؤال الاخير اللى انا سألته
سلالالالالالالالالالالامى للجميع ورومضان كريم

الاول ميرسي جدا على الرد
وكويس ان كتابتى عجبتك
ثانيا انا اقصد بالسؤال انت مريت بالتجربة دى قبل كده ولا لأ
ثالثا ان هل هو الحل ان الواحد يفضل وحيد خوفا من ان يفقد حد عزيز عليه تانى
ولا يفضل مستنيهم على امل انهم يرجعوا مرة تانيه
مع انهم دلوقتى في خبر كااااااااااااااااان
بس
ياريت بقى تجاوب
وميرسي تانى على الرد

يا بختك بصاحبك ده
يارب يخليكوا لبعض يا رب
طيب ولو الواحد مش عارف يلاقى بديل ليهم خالص يعمل ايه ؟؟؟؟؟؟؟؟
يعنى لو كان من البدايه حطهم في مكانه مينفعش حد تانى يجى ياخدها حتى لو الحد ده حط ناس تانيه مكانه
المفروض بقى نعمل ايه ؟؟؟؟؟؟؟؟؟؟؟؟؟؟

احم احم السلام عليكم
هو الكلام علي ايه يا جدعان ايه يا بيري انت هتفضلي زعلانه كده علي طول انا مش متعود علي كده

يارب اعرف انسي
وميرسي يا محمد جدا على الرد
انا مش زعلانه ولا حاجة يمكن ان الموضوع حطيتوا على المنتدى في الوقت الغلط بس انا فعلا كتباه من زمان اوى
وبعدين يعنى ما قولتليش رأيك فيه ولا في كتابتى
ولا رديت على السؤال
لا يكون مش عاجبك ولا حاجة ههههههههههههه
ان شاء الله هتعدى
وميرسي على الرد

كتاباتك حلوه اوى
يا بيرى استمرى
هيبقى ليكى مستقبل باهر
وف انتظار الاصدار الجديد

مير سي جدا يا بادى على الرد
وان شاء الله هستمر وهتشوفوا منى كتير

بجد بهنيكي علي الموضوع دا
مش صح انك تعيشي في دنيا لوحدك او عالم مفيش حد فيه الا انتي لان انتي كده هتظلمي نفسك اوي
ومفيش حاجه اسمها مستحيل كل حاجه ف الدنيا دي ممكنه
بصي انا مبداي ان كلمة مستحيل هوا المستحيل نفسه يعني مفيش حاجه معروفه
مين عالم مش يمكن لما ترجعوا تحسوا بقيمة بعض اكتر ويمكن مترجعوش بس هتبقي احلي زكري في حياتك
بصي بلاش تبصلها من النحيه الوحشه بصي وفكري في الحلو
د ابراهيم الفقي بيقول تفاءلوا تجدوا الخير واملا راسك بورود الامل
عموما محدش هياخد غير نصيبه ودا ينطبق سواء مع الصحاب او الحبيب
تقبلي مروري واستمري ياباشا

ميرسي يا كوكو على الرد
وايه الكلام الحلو ده انا مش متعودة منك على كده خالص
انا كده هتغر ههههههههههههههه