موضوع مهم للنقاش رسالة للادارة

بصو يا رجالة الادارة انا ممكن اكون اتكلمت فى الموضوع دة فى قسم شباب المنتدى بس انا بتكلم دلوقت بس فى حاجة تانية فى وسايط كبيرة وكوسة جامدة قوى فى المنتدى انا بأمانة اول مرة اخش النهاردة بعد قبول اشتراكى من الادارة .......... شوفت بجد حاجات مينفعش تتعمل من الادارة يعنى ع سبيل المثال فى ناس عاملة موضيع كتير جدا وموضيع جامدة جدا وع الاقل مخدتش حتى عضو مميز او ع الاقل عضو مهم وفى اعضاء معملوش حاجة خالص ( زي بدر سليمان مثلا ) ومدينى اربع نجوم و كمان VIP دى بجد يا جماعة تبقى كوسة وبجد حرام قوى وانا نفسى يكون الرد من الادارة مش زى الرد بتاع محمد فؤاد انى استهلها وان الادارة بتقدر كل عضو (مينفعش) بجد انا مش بقول كدة عشان يترد عليا من الادارة انا بقول كدة لمجرد النصيحة مش اكتر دة منتدى اخواتى وانا نفسى يكون احلى منتدى ع النت وانا اسف لتانى مرة ع التعديل اللى مش ظريف دة
( انا بجد اسف يا رجال )

اولا الف الف اهلا وسهلا بيك معنا يا كبير

ثانيا حكاية إن إحنا ظلمين ناس معنا في المنتدي انا شايف إنها فيها سوء فهم إحنا بنحدد افضل عضو والمميز والنجوم دي علي حسب العضو داخل المنتدي وخارج المنتدي وإحنا طبعا عارفين إن فية فرق كبير بينك وبين اي عضو في البرلمان وعشان كده إدناك اربع نجوم وعضوية خاصة انتا وكل إلي كانوا علي ايامك وانا شايف إن مافيش اي عضو قال إن دي فيها مشكلة غير كده المنتدي أشتغل من اسبوعين لاحظ إن فيه نظام النقاط ومنه بتحدد افضل عضو والمميز والحورات دي .

ثالثا انك مش موافق علي الأربع نجوم والعضوية الخاصة انا مش هفرد الرتبة بس الكل عارف مين بدر سليمان ويستحق اية ماشي يا بشمهندس .

رابعا ياريت اي موضوع للإدارة او يخص اي حاجة بلأعضاء او المنتدي يكون في القسم الجديد قسم الشكاوي والإقتراحات .

ووعد مني يا بدر إني اتابع كل الأعضاء انا بنفسي واتابع الرتب يوميا بإذن الله وياريت لو انتا شايف حاجة كويس وتفيد المنتدي تكلمنا فيها واحنا عمرنا ما هنقول لا .

ويارب تفضل معنا علطول مش تختفي زي كل مرة هههههههه

تحياتي ليك يا كبير

نوعدك يا بشمهندس بدر ان فى حاجات كتير هتتغير وشكرا على النصيحه الحلوه دى واحنا هنعيد النظر فى وجهة نظرك دى تانى

المنتدي أشتغل من اسبوعين لاحظ إن فيه نظام النقاط ومنه بتحدد افضل عضو والمميز والحورات دي
<<محمد سلامه انت قلت كده واتمني اني اشوف دا فعلا وشكرا >>>>

والله يا سيادة العضوه دى وجهة نظر ولازم نحترمها حتى لو كانت مش مناسبه المهم انها مجرحتش او زعلت اى حد من الاعضاء وخلاص دا اهم حاجه واحنا علشان منزعلش حد غيرنا النظام حالص وحطينا نظام احسن من كده وانشاء الله يعجب كل الاعضاء وياريت تقولولنا على كل سلبيات المنتدى يمكن نقدر نعدلها

اية يا بدر انت تستحق الاربع نجوم يا راجل الناس ما غلطتش

الف شكر لرجالة المنتدى والادارة كلها .......... انا متشكر جدا ع الاهتمام بالشكوة بالشكل الجميل والسريع قوى دة انتم فعلا كدة ماشيين فى طريق صح ( كل واحد ياخد حقة وبس ) بالله عليكم يرجالة تكملوها بالجمال دة انا بجد فرحان قوى ع الاهتمام دة ............ والف شكر ع الردود الجميلة دى من كل اعضاء المنتدى اتمنى ليكم جميعا التوفيق
مع تحيات A.E /Badr Soliman

لا شكر علي واجب ده شغلنا وانتا قلت الحاجة السلبية وإحنا علينا نصححها علي قد ما نقدر

ويارب نكون صلحنها

الف اهلا مرة تاني يا كبير

» رسالة للادارة
» رسالة
» رسالة الى رئيس الجمهورية الرئيس مبارك
» رسالة الي انسان مجهول القلب معلوم الهوية
» قصيدة لا تمنحيني الموت - رسالة قلب حائر - (( كاملة ))