بعض رباعيات صلاح شاهين التي أعجبتني

بعض رباعيات شاهين التي أعجبتني :

* يا باب يا مقفول . إمتي الدخول صبرت ياما و اللي يصبر ينول دقيت سنين . و الرد يرجع لي : مين؟

لوكنت عارف مين أنا كنت أقول* نوح راح لحاله و الطوفان استمر .مركبنا تايهه لسه مش لاقيه بر .آه م الطوفان وآهين يا بر الأمان .

إزاي تبان و الدنيا غرقانه شر*انا كل يوم أسمع.. فلان عذبوه .أسرح في بغداد و الجزاير واتوه .ما أعجبش م اللي يطيق بجسمه العذاب .

واعجب من اللي يطيق يعذب أخوه

*أعرف عيون هي الجمال و الحسن .واعرف عيون تاخد القلوب بالحضن .وعيون مخيفة و قاسية وعيون كتير.

وباحس فيهم كلهم بالحزن*إقلع غماك يا تور وارفض تلف .إكسر تروس الساقية و اشتم وتف .قال : بس خطوة كمان .. وخطوة كمان.

يا اوصل نهاية السكة يا البير تجف

*إنسان أيا إنسان ما أجهلك .ما أتفهك في الكون و ما أضألك .شمس وقمر و سدوم و ملايين نجوم .

وفاكرها يا موهوم مخلوقه لك*سرداب في مستشفي الولاده طويل .صرخات عذاب ورا كل باب وعويل.. وفي الطريق متزوقين البنات .

متزوقين للحب و المواويل*الدنيا أوده كبيره للانتظار .فيها ابن أدم زيه زي الحمار .الهم واحد .. و الملل مشترك .

ومفيش حمار بيحاول الانتحار*أيوب رماه البين بكل العلل .سبع سنين مرضان وعنده شلل .الصبر طيب .. صبر أيوب شفاه .

بس الأكاده مات بفعل الملل

*يا طير يا عالي في السما طظ فيك .ما تفتكرشي ربنا مصطفيك .برضك بتاكل دود و للطين تعًًًًودً.

تمص فيه يا حلو .. و يمص فيك*ياللي نصحت الناس بشرب النبيت .مع بنت حلوه .. وعود , وضحك , وحديت .مش كنت تنصحهم منين يكسبوا .تمن ده كله ؟.. و الا يمكن نسيت

*تسلم يا غصن الخوخ يا عود الحطب .بييجي الربيع .. تطلع زهورك عجب .و انا ليه بيمضي ربيع وييجي ربيع .ولسه برضك قلبي حتة خشب

*ياللي انت بيتك قش مفروش بريش .تقوي عليه الريح .. يصبح ما فيش .عجبي عليك حواليك مخالب كبار .

وما لكش غير منقار و قادر تعيش

*بحر الحياه مليان بغرقي الحياه .صرخت خش الموج في حلقي ملاه .قارب نجاه .. صرخت قالوا مفيش .

غير بس هو الحب قارب نجاه*لو فيه سلام في الأرض وطمان وأمن .لوكان مفيش ولا فقر ولا خوف جبن .لو يملك الانسان مصير كل شئ.

انا كنت اجيب للدنيا ميت ألف ابن

*يأسك وصبرك بين إيديك و انت حر .تيأس ما تيأس الحياه راح تمر .أنا دقت مندا ومندا عجبي لقيت .

الصبر مر وبرضك اليأس مر

*ولدي إليك بدل البالون ميت بالون .انفخ وطرقع فيه علي كل لون .عساك تشوف بعينك مصيرالرجال. المنفوخين في السترة و البنطلون*عيني رأت مولود علي كتف أمه .يصرخ تهنن فيه يصرخ تضمه .يصرخ تقول يا بني ما تنطق كلام .

ده اللي ما يتكلمش يكتر همه

*ولو اتضنيت و فنيت وعمري انفرط .مش عاوز الجأ للحلول الوسط .وكمان شطط و جنون مانيش عاوز.

يا مين يقول لي الصح فين والغلط*ازاي شبابنا يقوم و ياخد دوره .من غير صراخ يئذيه و يجرح زوره .يا هلتري أحسن له يقعد ساكت.

أو ينترك ولوخرج عن طوره ؟*عيني رأت عصفور ووياه ابنه .بيحدفه في الريح و ياخده ف حضنه .نوبتين وتالت نوبه.

عجبي عليهم كانوا سوا بيرفرفرا و يغنوا

*ما آنتاش بتلعب ليه يا روح بابا ؟. ولا عسكري ولا لص في عصابة ؟.إلعب أسد أو ديب رهيب أو غزال .

دي الدنيا في نهاية المطاف غابة*ظهر المسيح الحي علي سفح ربوة .ونزل بهالة الضي وقعد في قهوة .بصوا .. تعالوا .. قالوا خليه في حاله .

الناس في حالهم يا بني .. مالهمش دعوة*لولا اختلاف الرأي يا محترم .لولا الزلطتين ما لوقود انضرم .ولولا فرعين ليف سوا مخاليف .

كان بيننا حبل الود كيف اتبرم ؟*عالجسر فت الصبح تحت الضباب .بين اللي لسه بينغرس و اللي طاب .ما اهتز قلبي لنبت طالع جديد .

قد اللي ماشي .. وتحت باطه كتاب

*يا خالق الكون بالحساب والجبر .وخالقني ماشي بلختيار والجبر.كل اللي حيلتي زمزمية أمل .

وازاي تكفيني لباب القبر؟*وسط الحطام اتفرجوا يا أنام .تمثال ملك . و مبوله م الرخام .لتنين نحتهم نفس أسطي الحجر .

وكانوا ذات يوم كتلتين لسه خام

*الدنيا صندوق دنيا .. دور بعد دور .الدكة هي .. و هي كل الديكور .يمشي اللي شاف ويسيب لغيره مكان .كان عربجي أو كان امبراطور*قالوا السياسة مهلكة بشكل عام .وبحورها يا بني خشنة مش ريش نعام .غوص فيها تلقي الغرقانين كلهم .

شايلين غنايم .. و الخفيف اللي عام

» زجل للشاعر محمد فؤاد الى صلاح الميت
» د/ صلاح الفقى يسلم نفسه لمباحث أمن الدولة