وأنا بقرا الاخبار اليومية وأخر أخبار أنفلونزا الخنازير فى مصر وفى المدارس لقيت تعليق من طفل صغير أكثر من رائع ويعبر عن وضع وقلق الاطفال فى المدارس فقولت أنقلها لكم يمكن صوته يوصل
كان عنوان التعليق ( الى بابا مبارك )
اناديك وانت الاب ليا ولكل الاطفال وكل المصريين عشان انا زعلت جدا على حفيد حضرتك لو ممكن تاجل الدراسه السنه دى مش عارف اروح المدرسه وكل الاطفال عيانين وبابا وماما بيخافوعليا عشان معندهومش غيرى ممكن بابا مبارك تشوف حل مع الدراسه مش قادر افهم حاجه فى البيت والمدارس بتقفل وانا نفسى ابئى طيار زى حضرتك ادافع عن مصر طب هركب الطياره ازاى وانا عيان ومين هيكون ظابط يحمى المصرين من الحراميه لما كلنا نعيا ونمرض بابا مبارك نداء ليك انان بحبك جدا ومستنى منك حل فى مشكله الدراسه نفسى اكون طيار حربى مش عاوز اموت وانا صغير انا ليا حق اعيش فى بلدى مطمن واروح مدرستى وانا فرحان مش خايف ربنا يخليك لمصر
نص الرسالة كما ذكره الطفل بالضبط بدون أى تعديلات عليه
موضوع: رسالة الى رئيس الجمهورية الرئيس مبارك 
