رسالتى لشباب المستقبل عن احوال بلادنا

البدايه انا هتكلم باللغه الفلاحى الجميله عشان انا اتشرف ان اكون من الطينه الغلبانه دى الطينه دى ال ولا يهمها حزب حاكم ولا حكومه ولا حنى اى حد فى الدنياالواسعه دى
كل ال يهمها بس انها تصحى من نومها تلاقى لقمه عيش ليها ولولادها وفعلا حكومة وطنطن كما يحلى لى ان اسميها موفره ده اوى مفيش بنى ادم كل يوم بيموت على طوابير العيش ومفيش قمح مسمم فاسد بنستورده من بره ومفيش حتى مزروعات بتتروى بمياه الصرف الصحى ومفيش اسمده بنسيب سعرها لحد ما يولع ومفيش بنوك بتحجز على الفلاحين ومفيش قطن بيتزرع وما بينبعش ومفيش حتى كوباية مايه جميله نظيفه منقاه ومفيش حد بيسرق الفلوس ويهرب بيها بره ومفيش حد بيدخل الكليات بالواسطه والرشوه ومفيش اكياس دم ملوثه ومفيش تزوير فى الانتخابات ومفيش راى واحد وبس ومفيش دكتور بيسقط وينجح على مزاجه ومفيش تليفزيون ما بيجبش على شاشته غبر الراقصين والراقصات ومفيش صوت لا يعلو فوق يد امين الشرطه على قفا المواطن الغلبان ومفيش زباله فى كل مكان ومفيش رجال اعمال بيشترو كل حاجه بفلوسهم ومفيش نيل بيتردم عشان رجل الدوله الفلانى عايز يعمله استراحه ومفيش ضرايب بتنحط على دماغ الفلاح ومفيش حد بيبنى بيت جديد غير لما يدفع شئ وشويه ومفيش مصلحه ماشيه غير بالواسطه والرشوه ومفيش حد بسيرق ومفيش حد بينهب ومفيش حد بيتظلم ومفيش ام بتاخد ولادها فى حضنها وهما ميتيين من الجوع واكل الحفله الفلانيه للفنان او لاعب الكوره الفلانى تكفيها هى وولادها لسنتين قدام ومفيش شاب اقصى طموحه انه يلاقى شقه متر فى متر يتجوز فيها ومش لاقيه وغيره معاه عمرات بنيها وسيبها يتفرج على شكلها مفيش ظلم ونفاق مفيش ضحك على الدقون ومفيش غش مفيش حد بيمسح دمعة حد ولا حد بيقف جنب حد كل مسئول متبت فى كرسيه للعمر
مش عارف انا تعبت من الظلم
انا مش عايز حاجه منك يا بلدى
انا عايز بس العدل
صدقونى انا من جوايا بموت لما اشوف راجل زلته الظروف وشاب راكب عربيه مش معبر حتى ال ماشى جانبه ومش واخد فى دماغه بين وزير وغفير عارفين ليه عشان الفلوس عشان الظلم عشان ابو الرتبه الفلانيه
مش عارف لو اتكلمت عن البرلمان ال احنا فيه الناس هتزعل منى ولا لا
واقلكم فوقا بقا احنا مكلمه وبس وال يظن غير ده اهبل
لما بقوم اتكلم انا بنفض ال على قلبى وبقول يارب انا غيرت بلسانى
انا مش عايز صقفه ولا عايز كلمة شكر
انا بتكلم عشان ما انفجرش من الغيظ والكره للظلم
انا عايز يارب اغير باى حاجه حتى بلسانى
انا مش بخاف من حد غير ال خلقنى ولا بنافق اى حد لو حتى والدى
انا بحبك يا بلدى
انا مش عايز اكل العيش الكيزر وافطر بكبده واتغدى بكفته واتعشى بفراخ
انا مش عايز اشرب الميه المعدنيه
ولا اركب افخم عربيه
انا عايز اعيش فى بلد مفيهاش واسطه
مفهياش محسوبيه
مفهياش فرق بين امين شرطه وموظف غلبان
بس هى فين البلد دى
اه انا هتغير
وهحاول اغير
بس صدقونى خلينا واقعيين
لا ياس مع الحياة ولا حياة مع الياس
قد تبدلت وتغيرت
لا حياة فيكى يا مصرى الا بوسطة او محسوبيه
بلدى هتتغيرى والله
بس لما ربنا يريد
بس صدقينى عمر ما تغييرك هيكون على يد حزب احتلك بقاله تلاتين سنه
اسف انا لا اخاف الا ممن خلقنى
ولا احترم الا من احترمنى
ولا اقول الا ما يرضى ربنا
حسبى الله ونعم الوكيل